მამაკაცმა სმარტფონი მოჭრილი თითის მეშვეობით განბლოკა — ეს არ უნდა ხდებოდეს
ისევ მუშაობს •
ჟღერს, როგორც რაღაც მძაფრ სიუჟეტიანი ფილმიდან. 😑
ესპანეთის სოფელში მცხოვრებმა პენსიონერმა, კირან ჰიგინსმა, საჩვენებელი თითის მოკვეთილი წვერი Samsung Galaxy A20 სმარტფონის წარმატებით განბლოკვისთვის გამოიყენა.
ორი კვირის წინ ჰიგინსმა, ამწეზე მუშაობის დროს უბედური შემთხვევის შედეგად, საჩვენებელი თითი დაკარგა.
მან გადაწყვიტა, რომ მოკვეთილი თითი სამედიცინო სპირტით სავსე ქილაში შეენახა — პრევენციის მიზნით თუ მომავალში დაზღვევა რაიმე პრობლემას შეუქმნიდა.
და, როგორც აღმოჩნდა, თითი სახალისო საშინაო ტექნოლოგიური ტესტისთვის იქნა გამოყენებული.
» "თითი ალკოჰოლის საფლავიდან ამოვიღე, გავწმინდე და ... ევრიკა! ... მკვდარი თითის ჩემს სმარტფონში დარეგისტრირება მოვახერხე," - თქვა ჰიგინსმა.
მკვდარი ან ცოცხალი
ამან იმუშავა იმიტომ, რომ ეს იყო იგივე თითი, რომელიც ტელეფონის სამართავად გამოიყენებოდა.
და მაინც, ეს საკმაოდ უჩვეულოა, რადგან ჯერ კიდევ 2018 წელს Live Science-მა თქვა, რომ სმარტფონების ანაბეჭდის სკანერების უმეტესობა ითხოვს, რომ თითი ატარებდეს ელექტროენერგიას.
და მაინც, ეს საკმაოდ უჩვეულოა, რადგან ჯერ კიდევ 2018 წელს Live Science-მა თქვა, რომ სმარტფონების ანაბეჭდის სკანერების უმეტესობა ითხოვს, რომ თითი ატარებდეს ელექტროენერგიას.
ფაქტობრივად, რაც უფრო დიდი დროა ადამიანის გარდაცვალებიდან გასული, მით უფრო რთული ხდება სისტემის განბლოკვა ამომცნობი საშუალებებით (თითის ანაბეჭდი, სახის ამოცნობა).
შემთხვევიდან გამომდინარე → Samsung Galaxy A20 ბიუჯეტური სმარტფონია, თუმცა უკანა პანელზე თითის ანაბეჭდის სენსორი აქვს ჩაშენებული.
სავარაუდოდ, ჰიგინსის თითი არც ისე დიდი ხნის მკვდარი იყო, რომ სენსორს ვერ მოეხდინა მისი იდენტიფიცირება.
ეს არ არის პირველი რეგისტრირებული შემთხვევა, როცა მომხმარებელმა მოწყობილობის განბლოკვა მკვდარი სხეულით მოახერხა.
2018 წელს ფლორიდის პოლიცია მორგში მივიდა, რათა გარდაცვლილის თითი ტელეფონის განბლოკვის მიზნით გამოეყენებინათ, მტკიცებულებების მოსაძიებლად.
ასე რომ, შემდეგ ჯერზე, როდესაც თითს დაკარგავთ და თქვენი სმარტფონი კარებს მოგიხურავთ, შეინახეთ დანაკარგი.
ვინ იცის, იქნებ ისევ შეძლოთ სმარტფონში მოხვედრა 😄
ℹ თუ ტექნოლოგიური და სამეცნიერო თემები გაინტერესებთ, შემოგვიერთდით "ფეისბუქზე" 💙
წყარო: Futurism
