პერსეიდების წვიმა 2021 — აი, როგორ უნდა ნახოთ წლის საუკეთესო კოსმოსური ფოიერვერკი
აგვისტოს მთავარი ციური მოვლენაც აქ არის ! საუბარი მაქვს პერსეიდების წვიმაზე, რომელიც დეკემბერში გემინიდებთან ერთად ითვლება წლის ერთ-ერთ საუკეთესო მეტეორულ ნაკადად/წვიმად. პერსეიდების პიკი ყოველ წელს 12 აგვისტოს არის და მოწმენდილ ცაზე შთამბეჭდავ სანახაობას ქმნის. Photo Via CGTN ▸ ყველაფერი, რაც ამ მოვლენის შესახებ უნდა იცოდე 👇 მეტეორთა წვიმა არის ციური მოვლენა, რომლის დროსაც ცაში ბევრი მეტეორი ჩნდება. მეტეორული წვიმა ხდება მაშინ, როდესაც ჩვენი პლანეტა კომეტის ან ასტეროიდის ნამსხვრევების ნაკადში მოექცევა. ყოველ ჯერზე, როდესაც კომეტა მოძრაობს მზის გარშემო თავის ორბიტაზე, მისი ყინულოვანი ნაწილი ორთქლდება და თან მეტეორიტების გარკვეული რაოდენობა მას წყდება. შემდეგ მეტეორიტები კომეტის ორბიტაზე განლაგდებიან და ქმნიან ნაკადს, რომელსაც ასევე ეწოდება "მტვრის ბილიკი". ეს "მტვრის ბილიკი" მშობელი კომეტის ორბიტას მიუყვება. როდესაც დედამიწა მტვრის ამ ბილიკის გარშემო ბრუნავს, ეს ნაწილაკები ურთიერთქმედებენ ატმოსფეროსთან და ჩვენ ვხედავთ მეტეორების სანახაობრივ შოუს: მეტეორთა წვიმ
