50 000 წლის შემდეგ, მწვანე კომეტა დედამიწას მოუახლოვდება
ეს კომეტა ბოლოს ნეანდერტალელებმა ნახეს
და შეიძლება შეუიარაღებელი თვალითაც კი შევძლოთ მისი დანახვა.
2023 წლის იანვრის ცაზე დაკვირვების შედეგად მიღებული პროგნოზების გამოქვეყნებისას, NASA-მ და Caltech Jet Propulsion Laboratory (JPL)-მ განაცხადეს, რომ 12 იანვრიდან 2 თებერვლის ჩათვლით, მწვანე კომეტა სახელწოდებით C/2022 E3 (ZTF) ჯერ მზეს მიუახლოვდება, შემდეგ კი დედამიწას დაუბრუნდება.
ჩრდილოეთ ნახევარსფეროში კომეტის ხილვას, იანვრის ბოლოს, დილის ცაზე შეძლებენ.
ამავდროულად, სამხრეთ ნახევარსფეროში მისი ნახვა თებერვლის დასაწყისში იქნება შესაძლებელი.
Space.com-ის მიხედვით, კომეტა საუკეთესოდ გამოჩნდება 21 იანვრის ახალი მთვარის დროს, როდესაც ცა ძალიან ბნელი და მთვარის შუქის გარეშე იქნება.
„ცნობილია, რომ კომეტები არაპროგნოზირებადი სხეულები არიან, მაგრამ თუ ეს კომეტა განაგრძობს მიმდინარე ტენდენციას სიკაშკაშისკენ, მისი დანახვა მარტივი იქნება ბინოკლებით და სავსებით შესაძლებელია, რომ ის შეუიარაღებელი თვალისთვისაც გახდეს ხილული. ბნელი ცის ქვეშ." - აღნიშნავს JPL.
NASA ამბობს, რომ კომეტა 1-ელ თებერვალს მიაღწევს თავის პერიგეას ანუ დედამიწასთან უახლოეს წერტილს.
JPL-ის მონაცემები აჩვენებს, რომ ბოლოს, ეს დიდებული "გობლინი" დედამიწას ასე ახლოს დაახლოებით 50 000 წლის წინ მოუახლოვდა, რაც იმას ნიშნავს, რომ უკანასკნელი ადამიანები, ვინც ის ოდესმე ნახეს, სავარაუდოდ, გამყინვარების ხანის ნეანდერტალელები იყვნენ.
სინათლის მიერ ცის დაბინძურებისა და ამინდის მიხედვით, შეიძლება რთული იყოს კომეტის დანახვა, მაგრამ დარწმუნებული იყავით, რომ ძვირადღირებული ტელეფოტოლინზებით ან ინსტიტუციონალურ ტელესკოპებთან წვდომის მქონე 'ცათამკვირვებლები' აუცილებლად შეძლებენ წარმოუდგენელი კადრების გადაღებას და შემდეგ აუდიტორიისთვის გაზიარებას.
ℹ️ თუ ასტრონომია, ტექნოლოგიები და მეცნიერება გაინტერესებთ, შემოგვიერთდით "ფეისბუქზე", "ინსტაგრამსა" და "ტვიტერზე" 💙 "მომავლის პოსტის" პოვნა შეგიძლიათ feedc-ზეც.
